Ma Ahan Neymar Iyo Salah- Real Madrid Oo Tallaabo U Qaaday Weeraryahan Qaali Ah!

Kooxda kubadda cagta ee Real madrid ayaa dib usoo nooleysay xiisahii ay u qabeen weeraryahankii faransiiska iyo Kooxda Paris Saint-Germain ee Kylian Mbappe, kaasoo xagaagii hore ay ku guuldarreysteen inay kasoo qaataan kooxda iska leh milkiyaddiisa ee AS Monaco.

Los Blancos ayaa hoos u dhigtay dardar gelinta Neymar oo ay isku koox yihiin Mbappe, halka dhanka kale ay adkaatay rajjadii Mohamed Salah, sidaas darteed Madrid ayaa dareenkeeda u weecineysa wiilka dhallin yarada ah ee Mbappe.

19-jirka faransiiska ah ayaa u muuqda mid mustaqbal ifaya ku leh kubadda cagta, waxaana aad u baadi goobaya kooxo ay hor kaceyso Real Madrid, si la mid ah Manchester City ayaa isha ku heysa.

Real Madrid ayaa ku dadaaleysa sidii ay u xoojin laheyd weerarkeeda xilli ciyaareedyada soo aaddan maadama ay hoos u dhac ballaaran soo wajahday Bale iyo Benzema, halka Cristian Ronaldo uu sii caga cageynayo da’ da 33-sano.

Haddii ay ku hungoowdo Neymar, waxa ay heli kartaa Kylian Mbappe, taasi oo ka dhigan in kooxda ka dhisan Bernabue ay dooneyso in labada laacib ee ka wada tirsan PSG midkood ay ka dhigto saxiixeeda ugu muhiimsan ee xagaagan.

3-Ciyaaryahan Kuwaas Oo Ka Caawin Kara Man Utd Inay Ku Dagaalanto Premier League-ga.

Kooxda kubadda cagta ee Manchester United ayaa xilli ciyaareedkan ku dhammeysatay booska labaad ee kala sarreynta horyaalka EPL-ka, waxaana ay dooneysaa in sanad ciyaareedka dambe u dagaalanto sidii ay ugu guuleysan lahayd horyaalka ingiriiska.

Jose Mourinho ayaa horraan carrabka ugu dhuftay inuu u baahanyahay keliya labo illaa saddex ciyaaryahan kuwaas oo uu ku dhisayo safka kooxdiisa, sidaas darteed waa kuwan saddex xiddig oo ka caawin karta Red Devils hammiga horyaalka England.

Fred (Shakhtar Donetsk)- waxa uu ka ciyaaraa khadka dhexe, kooxaha City iyo Unietd ayaana ku dagaallamaya, Waxaa lagu heli karaa qiimo dhan €60m. Waxaa loo arkaa inuu noqon doono mid daboola baahida khadka dhexe, maadaama uu kubadda cagta isaga fariistay Micheal Carrick, sidoo kalena Morouane Fellaini ayaa ay u badan tahay inuu ka hayaamayo Old Trafford.

Danny Rose (Tottenham Hotspur)- Tan iyo markii uu Patrice Evra ka dhaqaaqay Old Trafford, United ma aysan helin xiddig ka ciyaara booska daafaca bidix, waxa uuna Jose Mourinho dareemayaa baahi booskaas ah maadaama ay duruuftu ku qasabtay in Ashley Youn oo an dabiici u ahayn laga ciyaarsiiyo daafaca bidxeed.

Djibril Sidibe (AS Monaco)- Maadaama uu daalay Antonio Valencia, Manchester United waxa ay u baahantahay difaac awood badan kaasi oo shaqada culus ka bedelay xiddigga reer Ecuador. Valencia ayaa 33 jirsan doono marka la gaaro bisha August, Matteo Darmian ayaa u dhow inuu isaga tago Old Tarfford, waxaana ay Red Devils dooneysaa inay keento Sidibe kooxda Manchester United.

Faaqidaada kulanka Arsenal vs Southampton – Gunners Oo Bandhig Cajiib Ah Kujirta

Arsenal ayaa ku soo laabaneysahoryaalka Premier League iyadoo galabta Southampton ku marti galineysa Emirates Stadium.

Gunners ayaa natiijo fiican ka heshay kulankii Europa League, waxaana ay wajahayaan kooxda Southampton, oo dagaal ugu jirto sidii ay kusii joogi laheyd Premier League.

OGEYSIISKA CIYAARTA

GAROONKA: Emirates Stadium.

SAACADA: 4:15 PM

MAXAA CUSUB?

Arsenal ayaa waxaa ka maqnaan doona Henrikh Mkhitaryan, kaasoo dhaawac jilibka ah kasoo gaaray kulankii Khamiistii, Laakiin waxaa dib usoo laaban doona Aubameyang oo ka maqnaa ciyaartaas

Gunners ayaa sidoo kale weyn karta goolhaye David Ospina, kaasoo garoomada ka maqnaan doona muddo seddex isbuuc ah.

Petr Cech, oo kusoo bilowday kulankii todobaadkii, ayaa la rajeynayaa inuu mar kale kusoo bilaabo kulanka isbuucaan.

Southampton ayaa ka walwalsan dhaawaca Charlie Austin oo muddo dheer garoomada kia maqnaan doona.

Austin ayaa ah dhaliyaha ugu sareeya Saints isagoo lix gool oo Premier League ah u dhaliyay kooxdiisa – waxaana goolkiisii ugu dambeeyay wuxuu uu yimid kulankii Huddersfield Town ee bishii December.



XAQIIQADA KULANKA

Markii ugu dambeysay ee labada kooxood kulmaan bishii December, Austin ayaa goolka furitaanka dhaliyay daqiiqadii seddexaad, iyadoo Olivier Giroud uu gool barbarah ah u dhaliyay Arsenal.

Labada koox ayaa kulmay 94 jeer, Arsenal ay badisay 28 kulan halka  20 jeer ay badisay Southampton, halka inta kale ay noqdeen barbaro.

Southampton ma aysan garaacin Arsenal seddex kulan oo xiriir ah, guushoodii ugu danmbeysay waxay ka gareen kulankii EFL Cup sannadkii 2016.

SAFAFKA MACQUULKA AH

Arsenal:Cech; Bellerin, Mustafi, Chambers, Monreal; Elneny, Ramsey; Ozil, Wilshere, Welbeck; Aubameyang

Southampton:McCarthy; Cedric, Stephens, Hoedt, Bertrand; Hojbjerg, Lemina, Tadic, Redmond; Austin, Gabbiadini

Lionel Messi Oo Bar-Bareeyay Xiddiga Kooxda Liverpool Ee Mohamed Salah.

Isaga oo uga mahad celinaya maqnaanshihii Mohamed salah xiddiga kooxda Barcelona ee Lionel Messi ayaa la bar-bareeyay tartanka loogu jiro gool dhalinta yurub kadib saddexley uu ka dhaliyay kooxda Leganes.

Xiddiga reer Argentine ayaa dhaliyay goolkiisii 29-aad ee horyaalka La Liga xilli ciyaareedkan isaga oo 3 gool ka horeeya xiddiga Bayern Munich ee Robert Lewandowski oo aan ciyaarin.

Xiddiga Edison Cavani ayaa isagu gabi ahaanba seegay gool furan waxana uu ku fashilmay in uu gool u dhaliyo kooxda Paris Saint-Germain.

Halkan Hoose Kaga Bogo Sida Loo Kala Sareeyo Gool dhalinta yurub & Dhibcaha la leeyahay:

Salah 29 goolal (58 dhibco)
Messi 29 goolal (58 dhibco)
Lewandowski 26 goolal (52 dhibco)
Immobile 26 goolal (52 dhibco)
Jonas 33 goolal (49.5 dhibco)
Cavani 24 goolal (48 dhibco)
Kane 24 goolal (48 dhibco)
Icardi 24 goolal (48 dhibco)
Ronaldo 22 goolal (44 dhibco)
Luis Suarez 22 goolal (44 dhibco)

Real Madrid Vs Atletico : Kullan Kicin Kara Xamaasadda Booska Labaad Ee La Ligaha .

Dadka  xiiseysa kubadda cagta Spain ayaa isha ku haya kulanka galabta dhex maraya kooxaha Real Madrid iyo Atletico Madric waana kullan ka tirsan wareegga 31-aad ee La Ligaha .

Real waxa ay kulankaan galayaan iyaga oo isha ku haya guul si ay booska labaad ay ugu dhawadaan oo ay haatan Atletico Madrid ku hayso 67 dhibic halka Real ay leedahay 63 dhibic xilli kaliya ay hal dhibic ka sareeyaan kooxda Valencia oo afaraad ku jira kuwaasi oo leh 62 dhibic


Xogta kulankla

* Waa kulankii 219-aad ee labadaan koox dhex mara dhamaan tartamada marka laga reebo tartamo goboleedyada , Real ayaana badisay heer dhan %50

* Atletico Madrid ilaa haatan waxa ay Real ku hor kufeen 86 jeer oo horyaalka ah ka dib 161 kullan mana jirto koox sidaas ay ka qabsatay Real

* Real waa ay ku fashilmeen in ay guul ka gaaraan Atletico oo marti ku ah qalcada Santiago Bernabéu iyadoo la joogo horyaalka , waxa ay haystaan sedex guul darro iyo hal bar bar dhac waana dhacdo aad u liidata taraiikhooda La Ligaha .

* Ronaldo waxa uu Atletico ka dhaliyay 21 gool ka dib 30 kullan dhamaan tartamda rasmiga ah mana jiro laacib kale oo taariikhda kulamada Derby Madrid sidaas oo kale sameeyay

* Tababare Simaone waxa uu noqonaya tababarihii ugu horeeyay ee tababare Zidane laba jeer ka guuleysta iyadoo uu hogaaminayo Real waa haddii ay dhacdo in galabta uu badiyo

* Weeraryahanka Atletico ee Antoine Griezmann waxa uu Real ku leeyahay 5 gool halka laba ka mid ah uu ku dhaliyay qalcadda Santiago Bernabéu , haddii galabtana uu soo taabto shabaqa Real waxa uu noqonaya laacibkii ugu horeeyay ee sedex kullan isku xiga soo taabta shabaqa Real qarnigaan la joogo .

Hordhac: Chelsea Vs West Ham: Blues Oo Ay Ka Go,antahay In Ay Ku Soo Laabato Wadada Saxda

Kooxda Chelsea ayaa ku jirta wakhti adag iyada oo laga reebay tartanka champions League sidoo kale laga badiyay kulamo horyaalka ah oo muhiim ah.

Kooxda difaacanaysa horyaalka La Liga ayaa 11 dhibcood ka dambaysa kooxda kaalinta 4-aad kaga jirta horyaalka ee Tottenham oo guul gaartay.


Blues ayaa doonaysa in ay ku soo laabato wadada guulaha marka ay garoonkeeda Stamford Bridge ku soo dhawayn doonto kooxda West Ham kulan ka tirsan horyaalka La Liga.

Kulanka: Chelsea Vs West Ham

Tartanka: Premier League

Wakhtiga: 6:30 Fiidnimo

Garoonka: Stamford Bridge

XAQIIQOOYINKA KULANKA:

Chelsea ayaan laga badinin 11 kulan oo Premier League ah oo ay la ciyaartay West Ham, tan iyo markii ay guuldarro 2-0 ah kala kulantay bishii September 2002.

Alvaro Morata ayaa shabaqa soo taabtay labadii kulan ee ugu danbeysay ee Chelsea tartamada oo dhan laakiin wali gool muu dhalin 3 kulan oo xiriir ah.

Marko Arnautovic oo dhaliyay goolkii ay West Ham kaga badisay chelsea ayaa dhaliyay 9 kulan oo horyaalka premier League ah xilli ciyaareedkan xiddigii ugu dambeeyay ee West Ham ah ee dhaliya 10 gool ayaa ahaa Diafra Sakho xilli ciyaareedkii 2014/2015.

Kulankii ugu dambeeyay ee horyaalka ahaa ee ay West Ham laba kulan ka badisay Chelsea xilli ciyaareed kaliya ayaa ahaa 2002/2003 markaas oo ay West Ham ka hartay horyaalka.

Balotelli Oo Si Deg-Deg Ah Uga Fal Celiyay Kulankii Xiisaha Lahaa Ee Dhex Maray Man City & Man United

Weeraryahankii hore ee kooxda Man City ee Mario Balotelli ayaa ka fal celiyay kulankii xiisaha lahaa ee ay kooxda Man United guusha soo laabashada leh ka gaartay kooxda Man City.

City ayaa qaybtii hore hogaanka u qabatay ciyaarta iyaga oo ay laba gool u dhaliyeen xiddigaha Vincent Kompany Iyo Ilkay Guendogan waliba qaab qurux badan soo bandhigay.


Laakiin United ayaa qaybtii dambe soo laabasho cajiib ah samaysay iyaga oo guusha ku gaaray 3 gool oo ay u dhaliyeen xiddigaha Paul Pogba 2 gool iyo Chris Smalling.

Mario ayaa ugu horayn u hambalyeeyay xiddiga khadka dhexe ee Paul Pogba oo uu ugu hambalyeeyay labadii gool ee uu ka dhaliyay kulanka isaga oo sidoo kale United ugu hambalyeeyay in ayna ciyaarta ka niyad jabin.

Xiddiga reer Italy ayaa sidoo kale ka hadlay khaladaad dhanka garsooraha ka yimid oo uu Mario aaminsanaa isaga oo sheegay in khaladkii lagu galay Sergio Aguero uu ahaa rikoore cad.

Isaga oo ka hadlaya rikoorada laga diiday ayuu yiri” sidee ayayna tani rikoore u ahayn, maya maxa ka dhacaya meesha?.

Isaga oo oo u hambalyeynaya Pagba ayuu yiri” Hambalyo, pogba labadaada gool iyo in ayna United ka niyad jabin ciyaarta, laakiin waxa uu ahaa rikoore”ayuu hadalkiisa sii raaciyay.

United Oo Soo Qastay Farxaddii City Ee Horyaalka, Waa Ay Hakiyeen Dabaal Deggii Qorsheysnaa, Pogba-na Mourinho Ayuu Farriin U Diray

Ciyaarta ayaa ku bilaabatay jawi deggan xilli United ay biloowgii car-car aheayeen halka City sugayeen jawi ay ku qiimeeyeen hanaanka ciyaarta .

United waxa ay biloowgii u muuqdeen kuwo isku xeran dhan waliba oo dhanka raacshada ay ku jirto xilli City ka hor istaageen in ay si sax ah ugu dhawaadaan aagga goosha De Gea .


Ka dib dhacdooyinkaas , City waxa ay bilaabeen in kubadda ku dhisaaan lana soo baxaan baasas xilli fursaddii ugu horeeysay ee gool noqon kartay uu De Gea ka bad baadiyay daqiiqaddii 23-aad .

Marka la eego hanaanka ciyaarta waa la dareemayay in gool uu imaanayo waxa ayna City heleen gool daqiiqaddii 25-aad dhaliyeen gool kaasi oo uu saxiixay Vincent Kompany ka dib kubad koorno aheyd ayuu laacibkaas u badaly madax .

ka dib goolkaas, United durba waa ay is dhiibeen kubadana horay uma aysan soo jiideyn illaa looga keenay gool labaad daqiiqaddii 31-aad waxaana markaan saxiixay Ilkay Guendogan ka dib baas uu ka helay Raheem

Garoonka Etihad ayaa wada kacay waxa ayna taagerayaasha bilaabeen dabaal deg ,xilli xaalka sidaas yahay ayay City fursado xaqiiq ahaa oo gool 3-aad aiyo 4-aad noqon lahaa ka qasaariyay laacibkooda Raheem



Ka dib dhacdooyinkaas , City iyaga aya kubadda la wareegtay halka United la daala dhacayeen in kubadda iska soo fogeeyeen waxa ayna guud ahaan ku aruureen qadkooda oo ma jirrin kubadda ay horay u soo jiidayeen

Biloowga soo laabashadii, United xoogaa waa ay dhaq dhaqaaqayeen balse Silva iyo Raheem ayay qaban waayeen xilli daqiiqaddii 52-aad Ilkay Guendogan ay kubad gool noqon laheyd waxa ay kaga dhacday birta ka dib baas uu ka helay Raheem .

United ka dib kubad ay dhisaneen Sanchez iyo Matic waxaa gool u badalay Pogba daqiiqaddii 53-aad xilli Pogba qeybta labaad uu isku dayay in uu keeno gool.

ka dib goolkaas , United kubadda waa ay fur fureen gool labaad ayayna keeneen waxana saxiixay Pogba kaas gool ahaa oo madax gadaal gadaal ah waxaana dhaliyay Pogba ka dib baas uu ka helay Sanchez waxa uuna goolkaas dhashay daqiiqaddii 55-aad



Ka dib goolashaas , kulanka xarararad ayuu yeeshay waxaana United heleen kalsooni buuxda in ay raadiyaan gool 3-aad halka daafac ahaan ay City u diidayeen in ay u soo dhaawaadaan qadkooda cagaaran .

United goolka 3-aad ayay heleen waxaana ka shaqeeyay oo kubad cajiib ah oo uu qajafeeyay Sanchez waxaa goool qurux badan u badalay Chris Smalling daqiiqaddii 69-aad , waxa ayna kooxda.com xuseysaa in goolkaas uu ka muuqday qalad dhanka daafaca Man City

City daqiiqaddii 78-aad waxaa laga diiday sida ay ku doodayeen rigoore ka dib qalad lagu galay Aguero waxa ayna dhamaadkii ciyaarta aheyd mid deg degsiimo leh



Si waliba oo ay City u raadiyeen bar bar dhac waxaa loogu dhameeyay 3/2 oo ay United guusha ku raacday waliba ay ku hakiyeen in City caawa u dabaal degaan qaadista horyaalka oo haddii ay badin lahaayeen kulankaan ayay dabaal degi lahaayeen

Dhamaadkii Aguero ayaa gool xaqiiq ahaa waxaa ka bad baadiyay De Gea halka gool labaadna oo ay taageerayaasha Ciuty u dabaal degeen ay diiday birta goosha De Gea
Guul daradaan ayaa imaaneysa xilli City maalmo ka hor guul darro sedex gool ah kala soo kulmeen kooxda Liverpool oo ay ugu martiyeen lugta 1-ad ee wareegga 8-da Cahmpion-ka

Barcelona oo ka talabsatay Leganes kulan Lionel Messi uu sadex gool dhaliyay.

Barcelona ayaa guul muhiim ah ka gaartay Leganes kulanka xiisaha leh oo ka dhacay Camp Nou iyagoo u mahad celinaya Lionel Messi oo si weyn uga dhex muuqday kulanka.

Barcelona waxey aheyd kooxda inta badan ciyaarta maamulkeeda heysay, waxeyna daqiiqadii 27-aad gool ka heshay Lionel Messi, mar kale ayuuse shabaqa soo taabtay daqiiqadii 32-aad isagoo caawinaad ka helay Philippe Coutinho.

Qeybtii labaad ayuu Messi goolkiisii sadexaad ee ciyaarta dhaliyay kaas oo qalbi jabiyay jamaahiirta Leganes ee soo xaadiray Camp Nou, waxaana caawiyay Ousmane Dembele.

Weeraryahanka reer Argentina wuxuu haatan si wacan u hogaaminayaa tartanka gooldhalinta isagoo leh 28-gool, wuxuuna 6-gool ka sareeyaa Ronado oo berito la ciyaraya Atletico Madrid.

Natiijada waxey ku dhamaatay 3-1 iyadoo Barcelona ay 12-dhibcood ka sareyso Atletico Madrid oo berito la ciyaareysa Real Madrid.

By:ccm

Barcelona Oo Camp Nou Ku Dubatay Chelsea, Lionel Messi Oo Laba Gool Ku Gaadhay Goolasha Qarniga UCL Iyo Balaugrana Oo Dhamaystirtay Siddeeda Kooxood Ee UCL Ku Dagaalami Doona.

Kooxa Barcelona ayaa u soo baxday siddeed dhamaadka tartanka UEFA Champions League kadib markii ay Camp Nou ku dubatay kooxda Chelsea. Lionel Messi ayaa markale indhaa caalamka ku xaday laba gool isaga oo Chelsea u diiday in ay wax rajo ah ku yeelato kulankii lugtii labaad ee wareega 16ka kooxood ee UCL.

Lionel Messi ayaa bilawgii ciyaartaba dhaliyay goolka Chelsea xaalada ku sii xumeeyay laakiin waxa uu markale si layaableh caawin ugu sameeyay Ousmane Dembele kaas oo goolkiisii ugu horeeyay ee waayihiisa ciyaareed ee Barcelona kulankan ka dhaliyay laakiin qaybtii danbe Lionel Messi ayaa ciyaarta hurdada u diray kadib markii uu dhaliyay goolkiisa labaad kaas oo ahaa goolkiisii 100 aad ee UCL.

Barcelona ayaa ku biiray kooxaha Liverpool, Real Madrid, Bayern Munich, Juventus, Sevilla, AS Roma iyo Manchester City kuwaas oo ah siddeeda kooxood ee loo samayn doono isku aadka siddeed dhamaadka UEFA Champions League. Kadib markii ay Sevilla xalay tartankan ka reebtay Man United ayay markale Barca iyaduna ka reebtay Chelsea.

DAQIIQADII 3 AAD Alla Maxay Bilaabasho Fiican U ahayd? Barcelona ayaa isla markiiba heshay goolka ay xaalada xun ugu abuurtay kooxda martida ahayd ee Chelsea waxaana gool deg deg ah Balaugrana u saxiixay Lionel Messi kaas oo aan kooxda Antonio Conte ee Blues siin fursad ay isku habeeyaan wuxuuna ciyaarta ka dhigay 1-0 ay Barca hogaanka kula wareegtay bilawgii ciyaartaba.

Lionel Messi ayaa isku dayay in uu kubbad la ciyaaro Dembele laakiin kubbada ayaa ku sii dhacday Marcos Alonso iyada oo uu Luis Suarez helay fursada uu Messi kubbada ugaga caawiyay in uu dhaliyo goolka furitaanka wuxuuna goolkani jawiga Camp Nou ka dhigay mid xoog u sii shidmay.

Daawo: Alvaro Morata Oo Qaab La Yaab Leh Ugu Jawaabay Taageerayaasha Barcelona Ka Dib Markii Ay Ku Oriyeen Kulankii Xalay

Weeraryahanaka Chelsea ee Alvarto Morata ayaa fal ka baxsan anshaxa kubadda cagta waxa uu kula dhaqaaqay taageerayaasha Barcelona .

Daqiiqadii 67-aad ayuu laacibkaas ku soo galay kulanka badal xilligaas oo loo saaray Oliver waxa uuna durba laacibkaas hore Real weerar iyo orrin kala kulmay taageerayaasha Barca .

Waxa ay taageerayaasha Barcelona ku orinayeen ” alla maxaad Morata xanuunsan tahay alla maxaad xun tahay”.

Morata oo u adkeysan waayay qaylada cayda ah ee taagreeyaasha Barca ayaa ku dhaqaaqay fal uu ku muteysan karo ganaax ka dib markii uu xubintiisa taranka uu u tilmaamay waliba isaga oo soo qabtay, Halkaan Laacibtv.net ka daawo muuqaalkaas

HALKAN KA DAAWO   https://youtu.be/k1oVN_f1frM

HORDHAC: Arsenal vs AC Milan- Gunners Oo Isha Ku Heysa Quarter-final-ka Europa League

Arsenal ayaa sii wadi doonta ololaheda xili ciyaareedkaan ay ugu dagalameyso tartanka Europa League marka ay caawa AC Milan ku martigalinayaan Emirates lugta labaad ee wareega 16ka.

Gunners ayaa kulankaan ku ciyaari doonta waqooyiga London iyagoo 2-0 ku badisay ciyartii ka dhacday Italy, waxaana ay doonayaan inay hubiyaan booskooda sided dhamaadka.

Henrikh Mkhitaryan iyo Aaron Ramsey ayaa qeybtii hore ee ciyaartii San Siro goolasha u dhaliyay kooxda uu hogaamiyo Arsene Wenger.

OGEYSIISKA CIYAARTA

GAROONKA: Emirates

SAACADA: 11:05 PM

MAXAA CUSUB?

Shkodran Mustafi oo uu dhaawac kasoo gaaray gumaarka ayaa maqan, halka Santi Cazorla oo dhaawacan uu yahay ciyaaryahan weli muddo dheer ka maqan Gunners.

Nacho Monreal iyo Hector Beller ayaa kasoo kabsaday dhaawac, laakiin labadoodaba waxaa laga yaabaa inaysan ku lug yeelan kulanka Milan, halka Alexandre Lacazette uu kusoo laabtay tababarka isbuucaan.

Pierre-Emerick Aubameyang, ayaan kasoo muuqan Karin Arsenal sabab la xiriirta uu tartankaan u diiwaan gashnaa kooxdiisii hore.

Dhinaca Milan David Calabria ayaa dhaawacan, sidaas darteed uma badna inuu ciyaaro kulankaan, waxaana Gennaro Gattuso is bedel uu ku sameyn doonaa daafaciisa midig.

Fabio Borini oo ciyaaray kulankii Genoa ayaa diyaar ah, laakiin Christian Zapata ayaa weli kusii jiri kara kursiga keydka AC Mialn.

XAQIIQADA KULANKA

Milan ma aysan kasoo kaban guuldarro lugta hore soo gaartay tan iyo bishii October 1985, markaasoo ay 4-3 kaga badiyeen Auxerre.

Gunners marnaba kuma guuldareysan inay soo baxdo 24 jeer oo ay guuleysatay kulanka lugta hore tartamada Yrub.

Ma jirto koox talyaani ah oo waligeed ku guuleysatay kulan ka dhacaya London kana tirsan Europa League , iyadoo Roma, Juventus, Lazio, Inter Milan iyo Fiorentina dhamaan lagu soo qaarajiyay.

SAFAFKA MACQUULKA AH

 Arsenal: Ospina; Koscielny, Holding, Bellerin, Kolasinac; Xhaka, Wilshere, Ramsey, Ozil, Mkhitaryan; Welbeck.

AC Milan: G. Donnarumma; Zapata, Rodriguez, Romagnoli, Bonucci; Biglia, Bonaventura, Kessie, Suso, Calhanoglu; Cutrone.

Arsenal oo guul weyn ka gaartay Ac Milan ciyaar ka dhacday San Siro & Natiijooyinkii kale ee Europa League-ga

Laba gool oo ay kala dhaliyeen Henrikh Mkhitaryan iyo Aaron Ramsey ayaa guul weyn siisay Arsenal iyadoo marti ah kulan ka tirsan UEFA Europa League, waana kulanka lugta hore wareega 16-ka.

Milan waxey sameysay bilowgii kulanka fur-furnaan badan iyo firfircooni dheeraad ah, balse marnaba ma helin iney haliso badan galiso goolka Arsenal, tiiyoo ay jirto in Gunners ay dib kala soo qabsatay kulanka.

Henrikh Mkhitaryan ayaa bilaabay bandhigga goolasha kadib markii uu kubad ku garacay Leonardo Bonucci, goolhaye Donnaruma ayaana awoodi waayay inuu badbaadiyo.

Arsenal haliso badan ayey abuurtay iyadoo Welbeck uu isku day fiican sameeyay balse uma suuragalin.

Aaron Ramsey ayaa dhaliyay gool qurux badan oo caaqibo leh, Ozil ayaa aawiyay, si fiican ayuu goolhayaha ugu gooyay ka hor inta uusan shabaqa oo furan shab ku siin.

Qeybta hore ciyaarta waxaa lagu kala baxay 2-0, oo ay ku hogaamineyso Arsenal, balse qeybtii labaad wax isbadal ah sooma kordhin.

Ac Milan waxey sameeyeen dadaalo badan oo ay gool ku dooneen, balse uma suuragalin iney gool helaan.

natiijada waxey ku dhamaatay 0-2, oo ay guusha ku raacday Arsenal waxeyna u tahay faa’iido weyn maadama ay banaanka kusoo dhalisay goolal.

Natiijooyinka kale:

Atletico Madrid 3 – 0 Lokomotiv Moscow

Borussia Dortmund 1 – 2 Salzburg

CSKA Moscow 0 – 1 Lyon

PSG vs Real Madrid- Safafka Macquulka Ah, Dhaawacyada, Shakiyada & Wararka Labada Koox

Real Madrid ayaa caawa la ciyaari doonta Paris Saint-Germain oo aan heysan Neymar kulanka lugta labaad ee wareega 16ka Champions League.
Los Blancos ayaa ku jirta xilli ciyaareed niyadjab leh, laakiin waxay doonayaan in ay difaacdaan tartanka Champions League.
Zinedine Zidane wiilashiisa ayaa 3-1 ku garaacay PSG lugtii hore ee Santiago Bernabeu bishii Febraayo, waxaana ay doonayaan in ay caawa iska xaadiriyaan marxalada Sideed dhamaadka.
OGEYSIISKA CIYAARTA
GAROONKA: Parc des Princes
SAACADA: 10:45 PM
MAXAA CUSUB?
PSG ayaa ku dhawaaqday 21ka ciyaaryahan ee ciyaareysa kulankan, iyadoo uu ka maqan yahay Neymar oo dhaawac canqawga ah uu soo gaaray todobaadkii hore.
Waxaa jiray walaac yar oo ka dhan ahaa Kylian Mbappe iyo Marquinhos, laakiin labada ciyaaryahan ayaa lagu soo daray safkooda.
Luka Modric iyo Toni Kroos ayaa lagu soo daray kooxda Real Madrid ee usafartay Paris , halka Cristiano Ronaldo diyaar uu u yahay kulankaan.
XAQIIQADA KULANKA
Real Madrid ayaan laga badinin seddexdii kulan ee hore Champions League ay ku wajahday PSG (W2 D1), kaliya hal gool ayaana laga dhaliyay.
Paris St-Germain ayaa laga badiyay hal kulan oo ka mid ah 46kii kulan ee ugu dambeysay oo ay ku ciyaareen garoonkooda tartanka Yurub.
Real Madrid ayaa gaartay semi-finalka mid kasta oo ka mid ah todobadii xili ciyaaareed ee ugu dambeysay tartanka Champions League.
PSG ma gaarin quarter-finalka tartankaan shantii xilli ciyaareed ee ugu dambeysay, markoodii ugu fiicneyd waxay gaareen semi-finalka 1994-95.
Cristiano Ronaldo ayaa dhaliyey 21 gool 12kii kulan ee ugu dambeyay tartamada oo dhan.
SAFAFKA MACQUULKA AH
PSG: Areola; Alves, Marquinhos, Kimpembe, Kurzawa; Verratti, Rabiot, Lo Celso; Di Maria, Mbappe, Cavani.
Real Madrid: Navas; Carvajal, Ramos, Varane, Marcelo; Casemiro, Modric, Asensio, Bale; Ronaldo, Benzeman

Xiddigaha Barcelona Oo Ka codsaday Lionel Messi Inuu Faragaliyo Heshiiska Andres Iniesta Ugu Dhaqaaqayo Man City

Xiddigaha Barcelona ayaa weydiistay Lionel Messi inuu u sheego macalinka Manchester City Pep Guardiola in Andres Iniesta uusan iib ahayn.
Warbaahinta Isbaanishka ee Diario Gol ayaa sheegeysa in Manchester City diyaar u tahay in ay lasoo wareegto kabtanka Barcelona dhamaadka xili ciyaareedkaan.
Laakiin qolka labiska Barca lagama doonayo bixitaanka Andres Iniesta , waxaana nciyaartooyda koox ay weydiisteen Messi inuu soo faragaliyo xaalada Manchester City.
Guardiola ayaa ka warqaba in Inesta oo si wacan kaga dhex muuqda Camp Nou wax badan kusoo kordhin karo kooxda Manchester City.
Iniesta waxa uu ahaa mid muhiim u ah Barcelona tan iyo markii uu kulankiisii ugu horeyay u ciyaaray sannadkii 2002dii.
Laakiin wuxuu haatan ka fekerayaa mustaqbalkiisa kooxda Barcelona oo lasoo wareegtay Philippe Coutinho.
Iniesta ayaa weli door muhiim ah ka ciyaaraya xilli ciyaareedka Barcelona oo dooneysa in ay hanato saddexley koobab ah.
Waxa uu u saftay 31 kulan tartamada oo dhan xili ciyaareedkaan Barcelona oo sided dhibcood oo nadiif ah ku hogaamineysa horyaalka La Liga.

Wenger oo looga bahanyahay Premier League hadii u kahayaamo Arsenal

Everton ayaa u baahan tababare Arsene Wenger haddii uu isaga tago shaqada kooxda Arsenal, sida laga soo xigtay wargeysyada Ingiriiska.
Wenger oo 68 sanno jir ah ayaa cadaadis xoogan uu saaran yahay mustaqbalkiisa Emirates ka dib markii uu la kulmay guuldarradii afaraad oo xiriir ah shalay.
Taageerayaasha Gunners ayaa markale muujiyay sida ay kaga xun yihiin sii joogista macalinkaan kadib qasaarihii ay kala kulmeen shalay kooxda Brighton.
Arsenal ayaa lagu wadaa inay dib u eegto shaqada Wenger dhamaadka xilli ciyaareedkaan, kadib markii kooxda 13 dhibcood ka hoos martay Tottenham oo booska afaraad kujirta.
Everton ayaa haatan diyaar u ah in ay dalab ka gudbiso tababaraha Faransiiska haddii uu go’aansado inuu ka dhaqaaqo Gunners.
Daily Star ayaa sheetgay in milkiilaha Everton Farhad Moshiri uu u aqoonsaday Wenger inuu yahay musharaxa ugu fiican ee badbaadin kara kooxdiisa.
Ronald Koeman iyo Sam Allardyce ayaa ku fashilmay shaqada Kooxda Toffees oo qarash badan suuqa kala iibsiga ku bixisay xili ciyaareedkaaan.

Macalin Arsene Wenger wax rajo ah miyuu ka qabaa in Arsenal kaalinta 4-aad gaarto?

Kooxda Arsenal guuldaro naxdin leh waxay kala kulmeen naadiga Brighton kulan 2-1 looga badiyay taasi oo dhaxal siisay inay rajadooda kaalinta 4-aad u dagaalamaan god dheer ku dhacdo.
Arsenal hadda waxaa laga badiyay 4-kulan oo xariir ah dhamaan tartamada kala duwan waxaana kooxda ka dhex taagan buuq xoogan.
Gunners waxay fadhisaa kaalinta 6-aad kala sareynta EPL waxayna 13-dhibcood ka hooseeyaan kooxda Tottenham oo booska 4-aad fadhiso.
Macalin Arsene Wenger ayaa ka hadlay rajada Arsenal ka qabto inay kaalinta 4-aad gaarto xili cayaareedkan.
Wenger wuxuu yiri “Suurta gal ma ahan inaan afarta sare ka mid noqono mana ahan wax dhici karo waayo 13-dhibcood Spurs naga sareyso iyo 9-kulan oo harsan ayaa wax walbo soo idleesay”
“Waxaan u baahanahay ugu yaraan labo koox kuwa naga sareeyaan inay bur bur joogto ah todobaad walbo la kulmaan mana ahan wax macquul ah”
“Sidaa darteed dadaalkeena ayaan wadan doonaa laakiin iima muuqato rajo aan afarta sare sanadkaan kaga mid noqon karno”

Lionel Messi oo shaki la galiyey Beni’aadamnimadiisa!! sawirkan eeg

Intii lagu guda jiray tababarkii Barcelona ee ka horeeyay kulanka muhiimka ah ee ay la ciyaari doonaan Atletico Madrid Messi ayaa laga qabtay sawir cajiib ah kaas oo muujinaya mar kale in uuna xiddiga reer Argentine ahayn Beni’aadam. Sawirka ayaa laga qabtay Xiddiga No.10 isaga oo kubad ku laagaya lugtiisa bidix waxana ay lugtiisu gabi ahaanba u wareegtay dhanka kale min kuraanta ila jilibkiisa.

Marka loo eego sawirkan waxa uu noqday sawirka ugu la yaabaka badan ee laga qabtay xiddig ama qof Beni’aadam taas oo haatanba shaki ku abuurtay dad badan.

Sawirkan ayaa soo baxay maalmo ka yar kadib markii tababaraha xulka qaranka Iran ee Carlos Queiroz uu sheegay in Lionel Messi laga ganaaxo kubada cagta ilaa inta uu ka cadaynayo in uu Beni’aadam.

Xiddiga Lionel Messi ayaa ku jira mid ka mid ah xilli ciyaareedyadii ugu fiicnaa noloshiisa isaga oo horyaalka La Liga ku hogaaminaya 23 gool.

Cristiano Ronaldo oo rikoor cusub ka dhigay horyaalka La Liga

Cristiano Ronaldo ayaa Sabtidii rikoor cusub u dhigay horyaalka La Liga markii ay kooxdiisa Real Madrid guul 3-1 ah ka gaartay kooxda Getafe, wuxuuna kulankaas dhaliyey laba gool.

Lambarka 7aad ee Real Madrid ayaa ahaa dhaliyaha labadii gool ee natiijada ku hogaamiyey kooxdiisa, iyadoo Gareth Bale uu goolka furitaanka u dhaliyey Los Blancos.

Goolka koowaad ee Ronaldo ayaana ahaa midkiisii 300aad ee horyaalka La Liga, wuxuuna rikoorkaan ku gaaray 286 kulan oo keliya. Sidaas darteed wuxuu noqday ciyaaryahankii ugu dhaqsiyaha badnaa abid ee goolal intaas la eg ka dhaliya horyaalka Spain (Fastest ever man to reach the triple century landmark in La Liga history ).

Ronaldo ayaa xitaa rikoorkaan ku garaacay laacibka ay xifaaltamaan ee kooxda Barcelona Lionel Messi, kaasoo ay ku qaadatay 334 kulan inuu dhaliyo goolkiisii 300aad ee horyaalka La Liga bishii Febraayo ee sannadkii 2016kii.

Hadda Messi wuxuu maraayaa 372 gool oo horyaalka La Liga ah isagoo ciyaaray 408 kulan. Ronaldo oo sannadkii 2009kii yimid horyaalka La Liga ayaana kulan walba dhalinaayey wax ka badan 1.05 gool ( Average of 1.05 goals per game).

Ronaldo ayaa kula biiray Messi, halyeeyga Bayern Munich Gerd Muller iyo dhiggiisa Everton Dixie Dean liiska xiddigo badan oo 300 gool iyo ka badan ka dhaliyey horyaallada ka ay ciyaareen.

Guud ahaan Ronaldo wuxuu dhaliyey 427 gool 435 kulan oo uu tartamada oo dhan u saftay kooxdiisa Real Madrid oo kulankeeda xigga lugta labaad ee wareegga 16ka tartanka UEFA Champions League ku wajaheysa kooxda Faransiiska ka dhisan ee Paris Saint-Germain Talaadada..

Q.Cabdiqani cali mohamuud ccm

Waxkastoo aad uga baahantahay kulanka caawa: Manchester City v Chelsea

Chelsea ayaa caawa wajahaya hogamiyayaasha horyaalka oo ayagu indhaha ku haya inay qaadan talaabo kale oo ay ku xaqii jinayan hanashada horyaalka...

Kooxda Pep Guardiola ayaa xaqiijisay guusheedii 24aad kadib 28 kulan oo la ciyaaray markii ay 3-0 ku garaaceen Arsenal, waxaana ay u baahan yihiin kaliya shan guul oo isku xiga si ay u xaqiijiyaan hanashada horyaalka.
Dhanka kale, Antonio Conte ayaa u baahan inuu kusoo laabto kaalinta 4aad ee horyaalka, ka dib natiijooyin xun oo kooxdiisa ka tuuray kaalinta shanaad.
OGEYSIISKA CIYAARTA
GAROONKA: Etihad Stadium
SAACADA: 07: 00 PM
MAXAAA CUSUB?
Fernandinho ayaa seegi doona kulankaan kadib dhaawac muruqa kasoo gaaray, laakiin Raheem Sterling ayaa la rajeynayaa inuu soo laaban karo.
Kyle Walker ayaa diyaar ah, laakiin Fabian Delph ayaa ku maqan weli ganaax, iyadoo Benjamin Mendy dhaawacan yahay.
Ross Barkley ayaa diyaar u ah inuu mar kale kasoo muuqdo kooxda Chelsea ka dib dhaawaciisa, laakiin waa inuu helaa kalsoonida tababare Conte.
David Luiz iyo Tiemoue Bakayoko ayaa labadoodaba dhaawac ku maqan, halka Alvaro Morata uu ka welwelsan yahay dhabaato dhaawac yar ah.
XAQIIQADA KULANKA
Chelsea ayaa ku badisay 3-1 xilli ciyaareedkii hore, laakiin ma aysan ku guuleysanin kulamada horyaalka ay ku ciyaarto Etihad Stadium tan iyo markii ay afar jeer ku badiyeeen intii u dhaxeysay 2005 iyo 2008.
Man City ayaa badisay kaliya hal kulan oo kamid ah afartii kulan ee ugu dambeysay oo ay garoonkooda kula ciyaareen Blues.
Man City ayaa badisay 13kii kulan ee ugu dambeyay oo ay ku ciyaartay garoonkeeda, iyagoo ugu yaraan laba jeer shabaqa soo taabtay shabaqa.
Chelsea ayaa laga badiyay labadii kulan ee ugu dambeysay oo ay marti aheyd, lagama badin seddex kulan oo isku xigta iyagoo marti ah tan iyo bishii March 2013kii.
Sergio Aguero ayaa dhaliyay shan gool afartiisii kulan ee ugu dambeysay Premier League uu kula ciyaaray kooxda Chelsea.
Eden Hazard ayaa sideed gool ku lug lahaa sideedii kulan ee ugu dambeysay ee uu ka horyimid Manchester City tartamada oo dhan (4 gool isagaa dhaliyay, 4 waa caawiyey).
SAFAFKA MACQUULKA AH
Man City: Ederson; Walker, Otamendi, Kompany, Danilo; Gundogan, D. Silva, De Bruyne; Sane, Aguero, Sterling.
Chelsea: Courtois; Azpilicueta, Christensen, Rudiger; Alonso, Moses, Kante, Hazard, Fabregas, Willian; Giroud.

Falaqaynta kulanka xiisaha leh Barcelona vs Atletico Madrid

Barcelona ayaa caawa la ciyaari doonta kooxda Atletico Madrid oo kula dagaalameysa hanashada horyaalka La Liga.
Tababare Ernesto Valverde kooxdiisa ayaa dhibco muhiim ah lumisay ka dib markii ay barbaro 1-1 ah la gashay Las Palmas kulan ka dhacay jaziirada Canary khamiistii.
Dhanka kale, Atletico ayaa gurigeeda ku garaacday Leganes Arbacadii, iyadoo afar gool uu dhaliyay weeraryahanka Antoine Griezmann.
Kooxda Diego Simeone ayaa hal kulan kaliya laga badiyay xilli ciyaareedkaan, waxaana ay barbaro 1-1 ah la gashay Barcelona kulankii hore ee ka dhacay Wanda Metropolitano bishii October.
OGEYSIISKA CIYAARTA
GAROONKA: Camp Nou, Barcelona, Catalonia, Spain
SAACADA: 06:15 PM
MAXAA CUSUB?
Nelson Semedo ayaa la filayaa inuu maqnaan doono muddo shan isbuuc ah ka dib markii uu dhaawac kasoo gaaray kulankii Sabtidii 6-1 kaga badiyeen Girona.
Dhanka kale, Sergi Samper waxa uu la maqan yahay dhibaato waqti dheer ah, xiddiga khadka dhexe ayaa amaah ku joogay Las Palmas, laakiin dhaawac canqawga ah oo soo gaaray kulankii Eibar ee bishii Janaayo ayaa keentay inuu kusoo laabto Barcelona.
Jordi Alba oo qaatay jaalihiisii shanaad ee xilli ciyaareedkaan kulankii Girona, ayaa seegay safarkii Las Palmas, laakiin waxa uu diyaar u yahay kulanka caawa.
Dhanka kale, Luis Suarez ayaa hal jaale u jira in laga ganaaxo kulanka soo aadan ee kooxdiisa ciyaareyso La Liga.
Atletico ayaa laga badiyay kaliya hal kulan xilli ciyaareedkan La Liga, waxaana ay ku jirtaa qaab ciyaareed sarre ka dib markii ay 5-2 kaga badiyeen Sevilla, ka dibna Leganes 4-0 ku garaaceen labadii kulan ee ugu dambeyay.
Griezmann ayaa dhaliyay toddobo gool labadii kulan ee ugu dambeeyay, waxaana xiriir wanaagsna uu la leeeyahay qeybta weerarka Diego Costa.
Kooxda Simeone ayaa heysta koox taam ah oo ay xulan karaan kulankaan ka dib markii Yannick Carrasco iyo Nico Gaitan dib ugu soo laabteen tababarka.
Daafacyada Lucas Hernandez iyo Stefan Savic ayaa shaki uu ku jiraa kulanka kooxdooda usafreyso Barcelona.
XAQIIQADA KULANKAAN
Barcelona ayaan laga badinin 15kii kulan ee ugu dambeyay oo ay ka horyimaadeen Atletico kulan horyaalka La Liga ah (11 guul iyo afar barbar dhac ayay ka heleen),
Atletico ayaa kaliya hal jeer guul darreysatay 24kii kulan ee ugu dambeyay La Liga, iyagoo badiyay 15 jeer, halka 8 barbaro ay galeen.
Simeone ayaa sideed guul darro iyo afar barbar dhac kala kulmay Barcelona kulamada uu ku wajahay horyaalka La Liga.
Atletico ayaa ah kooxda labaad ee dhibanaha u ah Lionel Messi tartamada oo dhan, 27 gool ayuu ka dhaliyay, kaliya Sevilla oo uu ka dhaliyay 29 ayaa ka badan.
SAFAFKA MACQUULKA AH
Barcelona (4-4-2): Ter Stegen; Roberto, Piqué, Umtiti, Alba; Coutinho, Rakitic, Busquets, Iniesta; Messi, Suárez
Atlético (4-4-2): Oblak; Vrsaljko, Godín, Giménez, Filipe Luis; Saúl, Thomas, Gabi, Koke; Griezmann, Diego Costa

Liverpool oo guul dahabi ah ka gaartay Newcastle, Mane & Salah oo shabaqa gaaray & Reds oo booska labaad timid

Laba gool oo ay kala dhaliyeen Mohamed Salah iyo Sadio Mane ayaa Liverpool siiyay guul muhiim ah kulankii ay Anfield kula ciyaareen Newcastle United, waxeyna si kumeel gaar ah u dageen kaalinta labaad ee horyaalka.
Liverpool waxey u muuqatay koox u diyaarsan iney kulanka badiso, kana go’an tahay iney hesho natiijo wax ku ool ah maadaama ay si cajiib leh ku bilaabatay, waxeyna isku dayeen iney cadaadis xoog leh saaraan goolka Magpieska .
Jurgen Klopp wuxuu sameeyay dadaal aan caadi aheyn maadama uu MSF ku lamaaniyay Henderson iyo Chamberlain.
Mohamed Salah ayaa bilaabay bandhigga goolasha kulanka kadib markii uu si fudud kubad uga helay Roberti Firmino, si qurux badan ayuuna lugta bidix ugu dhameysitray kubadda.
Goolka labaad oo si weyn looga soo shaqeeyay waxaa dhaliyay Sadio Mane kaas oo isna ka mid ah xubnaha muhiimka ah ee kooxda.
Natiijadaan waxey ka dhigan tahay in Liverpool ay 1-dhibci ka sareyso hadda Red Devils ka hor kulanka labada kooxood, wiilasha Jose Mourinho ayaana heysta fursad ay dib ugu soo laabtaan kaalinta 2-aad habeenka Isniinta ah marka ay la ciyaaraan Crystal Palace.

Ac Milan & Inter Milan shaxda kulanka Derby della Medonnina.

Kulanka Derby della Madonnina ayaa la sugi doonaa berito, waana mid ka mid ah kulamada ugu culus ee laga ciyaari doono shanta horyaal ee ugu waaweyn qaaradda yurub.
Durba labada kooxood ayaa liiska ay isaga hor imaanayaan sii magacaabay, aan ku bilowno dhanka Milan waxaa liiska ka maqan Ignazio Abate iyo Luca Antonelli, halka Borja Vallero shaki lagalinayo dhinaca kale ee Inter Milan.
Liiska halkaan hoose ka aqriso:
LIISKA AC MILAN:
A Donnarumma, G Donnarumma, Storari; Bonucci, Calabria, Gomez, Musacchio, Rodriguez, Romagnoli, Zapata; Biglia, Bonaventura, Calhanoglu, Locatelli, Kessie, Mauri, Montolivo; Borini, Cutrone, Kalinic, Andre Silva, Suso.
LIISKA INTER MILAN:
Handanovic, Padelli, Pissardo; Lisandro Lopez, Joao Cancelo, Ranocchia, Santon, Miranda, Dalbert, D’Ambrosio, Skriniar; Gagliardini, Rafinha, Vecino, Borja Valero, Emmers, Brozovic; Icardi, Karamoh, Eder, Perisic, Candreva.

Cristiano Ronaldo Oo Si Qiiro Leh Kaga Hadlay Xaalada Syria & Phalistina- Muxuuse Balanqaaday?

Cristiano Ronaldo Oo Si Qiiro Leh Kaga Hadlay Xaalada Syria & Phalistina- Muxuuse Balanqaaday?

Iyadoo ay jirto in aan ku noolahay dalka Spain, maskaxdayda waligeed kama go’in dhibaatada walaalaheen ku sugan Syria ama Phalistin.
Magaca Alle ayaan ku dhaaranaayaa , Iga raali noqda” ayuu yiri Ronaldo oo ilmenayay, isagoo isticmaalayay maro yar oo uu kala soo baxay jeebka.
Sida aan idiin sheegay ma fahmi karo sababta ay waxaan ugu dhacaayaan Syria ama Phalistin.
Ma ogtihiin sababta ay u dhacaayaan waxaan” ayuu yiri Cristiano Ronaldo?
Sicad uma ogaanin illaa iyo hadda, maxay u dhacaayaan dhibaatooyinkaan yaa is weydiiyay?.
Waxaan lahadlay dhammaan cayaaryahanada Kooxda, sax waxaan isku raacnay in aan loo sheegin Saxaafadda.
Laakiin iyadoo ay jirto in ay isi soo taraayaan hadalada kutur kuteenta ah, waxa aan go’aansanay inaan idin sheegno dhammaanteena sida aan kaga xunahay waxa ka dhacaya Syria ama Phalistin.
Sida ay shaaca ka qaadi doonaan Bezema iyo Bayl Bale hadda waxii ka dambeeya waxaan dhinac istaagi doonaan dadka ku dhiban Syria iyo Phalistin.
Muhiim ma ahan taa, Waxaase muhiim ah waxa aan sameendoon ayuu hadalkiisa ku daray laacibka Real Madrid.
Hanti ayaan ku deeqi doonaa, Sidaas si lamid ah dhiig ayaan bixineenaa iyo wax waliba oo aan heli karno.
HALKAAN KA DAAWO WAREYSIGA RONALDO
Waayo waxa dhacaaya dhammaanteen way na xanuunjinaayaan haka dhecaan Syria ama Phalistin labadaba.
.Tani ma ahan is Xayeesiin ama istustus sida dadka qaar u fahmi karaan “ayuu yiri Ronaldo.
Waxaase Muhiim ah inaan wax waliba dartooda usameeno, Sida aan sameeno Cayaaraha si aan guul ugaarnoo marka aan garoonka kujirno.
Dhammaan dadkoo idil waxaan ka rajeyneynaa in ay sameeyaan sideena oo kale” ayuu yiri hogaamiyaha Real Madrid Cristiano Ronaldo

KULIYADA CULUUMTA BULHADA OO KU GULAYSATEY KOOBKA KUBADA CAGATA EE JAMACADA PSU

Xidigaha kuliyada culuumta bulshada ee jaamacada PSU aya ku guulaystay koobka kubada cagta ee jmacada ka dib markii ay guul 5:4 ka gaareen xidigaa IT
Ciyaar xiisaleh oo ay isakaga horyimadeen xidigo aad u xifaltan badan oo dhankasta uu ka dhaxeeyo, markaa daawato ciyaar u dhaxeysa labada kooxood waxad soo xasuusan ciyaaraha darbiga ah ee ka dhaca caalmkas sida Madrid darby liverpool vs ma Milan darby iyo ciyaraha isku Dhaga ah ee calamka.

Ciyaarta ayaa ku bilabatay dardar xoogan oo labada dhinac ah balse xidigaha socialka ayaa aroor horeba shbaqa gaarey ka dib narkii khalad weyn ay sameyeen difaacyada kooxda IT,Waxana si sahlan shabaqa u gaarsiiyey xidiga kabtanka u xirna ee khadar hure ,waxana markale isla daqiiqadihii hore ee ciyaarta shabaqa garey kaneeco oo laba gool oo indha sarcaada shabaqa dhigay ciyartana ka dhigay  3:0 oo ay hogaanka ku hayaan xidigaha socialka,damaadkii qaybtii hore waxa gool la soo labtay xidigaha IT Waxaana markaan shabaqa gaarey c.Jcole, Qaybti labaad ee ciyaarta ayaa aheyd mid ka duwan tii hore iyagoo xidigaha socialku ay hogaanka ugu horeen ku qabteen 5:1 ,k.Hure iyo sacid ayaa labada gool saxiixay, Soo labasho aan lafilayn ayey sameeyen xidigaha It ayagoo sadex gool oo dagdaga layimi qaybihii danbe ee ciyarta isagoo laba gool dhaliyey c.Jcole oo ay celinwayeen difaaca koox kasta uu ka horyimi, ciyaarta ayaa ugu danbayn ku soo idlaatay 5:4 oo ay xidigaha IT ay guul daro ku qabileen tan iyo bilowgii tartankaani......

IT VS SOCIAL SCIENCE CIYAAR XIISALEH OO GALABTA KA DHACAYSA GAROONKA CALSSIC GARAWE

Garoonka : calasic stadium

saacada: 4:00 galabnimo

Kooxaha ugu xifaaltank badan jaamacada PSU ayaa maanta ku kulmaya kamadanbaysta tartanka kubada cagta ee jaamacada PSU,xidigaha  ku ciyaaraya magaca kuliyada barashada computerka iyo xidigaha sita magaca kuliyada culuumta bulshada ayaa galabta ku balansan garoonka calssic stadium

Xidigaha tobabare aalle ayaa xasuuq ba'an u soo gaystay kuliyada lowga ciyaar aanan tageerayaasha kuliyada lowgu aan aad u jeclaysan,walow ay xidiguhu ciyaartoyda lowgu ciyaar  wanaag ay soo bandhigeen balse waxa  kaba danbaysta tartanka  soo garay wiilasha it IT ga  guul 9:1 ay ku xaaqeen kuliyada lowga,halka kooxda kuliyada culuumtu ay ka soo tilaabsatay xidigaha becsom ciyaar si fudud aysan guul ku gaarin,walow ay xidigaha maroodiyaashu ay 3:1 ku soo gudbeen hadana waa mid ay aad uxasuusan doonan siciid shaaruu iyo wiilashiisu,maadama ay dhawacyo iyo kaar guduudan kulanka kala kulmeen.. 
Labadan kooxod ayaa ku kulmay wareega Groupyada ee koobkaani,walow ciyaartaasi wiilsha  IT gu  ay dhulka dhigeen xidigaha kuliyada culuumta bulshada ciyaar ku soo idlaatay 2:0,waxayna ciyaartowda IT intii danbe ee ciyaarta xidig kaarka ROOSAHA laga siiyey,Waxana galabta ladawan doona ciyaar aan saadaal lagasii bixin karin ,madaama labada kooxood ay yihiin kuwa aad isugu dhow,waxaana ka dhaxeeya xifaaltan ba'an..

YAA MAQAN YAASE SOO LAABTAY

Kooxda IT ga ayaa soo dhaweyndoonta kabtankooda BULAY oo kamaqna ciyaartii rubuc dhamadka tartankaani ,wuxuuna tobabare aalle haystaa ciyaartoy taam ah kulanka uu ku wajaho social ka manaqabo wax walwal ah  ,dhanka kale siciid faroole ayaa waxa kulankan wayndoona adeega xidiga garabka bidix ee mahad Robben waxaan sidoo kale shaki wayn uu ku jiraa cabdisamad kaneeco oo uu dhaawac dhanka muruqa ah uu  soo garay kulankii ugu danbeeyay ,waxaana galabta laga sugaya xidigaha kaydku inay buuxiyaan xidigahaasi  hanad iyo cabdulaahi gurey..

Shaxda macquulka ah

IT  :      buley,s.varane,c.waraabe,c.j.cole,c.ayo,g.shuluq

social : kh.hure,c.messi,g.saacid,siciid,c.gurey,hanad yare