Paris St-Germain ayaa mar kale ku garaacday xalay Marseille 3-0 lugta labaad ee semi-finalka Coupe de France.
Angel Di Maria ayaa dhaliyey qeybta labaad ee ciyaarta gool, ka hor inta uusan Edinson Cavani raacsan gool kale 81 daqiiqo.
Laakiin Kylian Mbappe ayaa dhaawac looga saaray ciyaartan, iyadoo xiddigii hore ee kooxda Monaco lagu bedelay Javier Pastore ka dib markii uu dhaawac kasoo gaaray cagta.
Saxiixa rikoorka adduunka ugu qaalisan ee Neymar ayaa hore dhaawac jilibka ah kaga maqnaa kooxdiisa, iyadoo xitaa la shaaciyay inuu mari doono qaliin.
26 jirkaan reer Brazil ayaa seegi doona kulanka Talaadada Champions League kooxdiisa ku wajaheyso Real Madrid, laakiin dhaawaca Mbappe weli lama cadeyn inta uu qaadan karo.
19 jirkaan ayaa heshiis amaah ah ugu soo biiray PSG kooxda Monaco xagaagii lasoo dhaafay, isagoo dhamaadka xagagaan heshiis rasmi ah ugu biiraya kooxda ka dhisan caasimada France.
Dhaawaca soo gaaray Kylian Mbappe ayaa dharbaaxo kale ku ah kooxda PSG oo talaadada wajaheysa Real Madrid kulan katirsan Champions League.
No comments:
Post a Comment